Sumqayıt şəhəri ərazisində yol-nəqliyyat hadisəsi baş verib.
ONA-nın yerli bürosunun məlumatına görə, qəza "Stansiya Sumqayıt" deyilən ərazidə baş verib. "Azərsu" ASC-yə məxsus "Mitsubishi" markalı minik avtomobili su daşıyan yük maşını ilə toqquşub. Qəza nəticəsində 1970-ci il təvəllüdlü Əliyev Rəhman Şükür oğlu, 1986-cı il təvəllüdlü Məmmədov Rəşad Musa oğlu və 1985-ci il təvəllüdlü Quliyev Elşad İlyas oğlu müxtəlif dərəcəli xəsarətlər alıblar.
Yaralılar Sumqayıt şəhər Təcili Tibbi Yardım Xəstəxanasına aparılıblar.
Faktla bağlı araşdırma aparılır.
