Sumqayıtda piyadanın ölümü ilə nəticələnən yol-nəqliyyat hadisəsi baş verib.
ONA-nın yerli bürosunun məlumatına görə, hadisə şəhərin Səməd Vurğun küçəsində, 4 nömrəli şəhər xəstəxanasının qarşısında baş verib.
Yolu keçmək istəyən 1979-cu il təvəllüdlü Müseyibov Ramil Abdulla oğlunu Samir Cəbrayılovun idarə etdiyi "50 AE 675 " dövlət nömrə nişanlı 30 nömrəli marşrut avtobus vurub.
Nəticədə ağır bədən xəsarətləri alan piyada xəstəxanaya aparılaraq reanimasiya şöbəsinə yerləşdirilib. Həkimlərin səylərinə baxmayaraq R.Museyibov dünyasını dəyişib.
Faktla bağlı araşdırma aparılır.
