Sumqayıt şəhər Polis İdarəsinin əməkdaşları şəhərdə əməliyyat keçirib.
ONA xəbər verir ki, idarənin 3-cü polis bölməsi əməkdaşlarının həyata keçirdiyi əməliyyat tədbirləri nəticəsində 3 qadının çantasından ümumilikdə 120 manat pul, mobil telefon, yaddaş kartı və sənədlər, habelə 1 avtomobildən pul və sənəd oğurlamaqda şübhəli bilinən Hacı Zeynalabdin qəsəbəsinin sakini, əvvəllər məhkum olunmuş A.Məmmədov saxlanılıb.
Şəhərdə mağazalardan və ofislərdən oğurluq etməkdə şübhəli bilinən daha 2 nəfər tutulub. Belə ki, martın 23-də və 26-da şəhər ərazisində şirniyyat mağazalarının birindən 1200 manat pul, televizor, suvenir tüfəng və məişət əşyaları və ofislərin birindən 60 manat pul, 1 ədəd noutbuk, 4 ədəd mobil telefon, 1 ədəd fotoaparat və ətriyyat oğurlamaqda şübhəli bilinən şəhər sakinləri, əvvəllər məhkum olunmuş E.Mustafayev və A.Həsənov da 4-cü polis bölməsinin əməkdaşları tərəfindən tutularaq istintaqa cəlb olunub.
Faktlarla bağlı araşdırmalar aparılır.
Ramil Zeynallı
