Telejurnalist Xuraman Aydına qarşı dələduzluq edilib.
ONA-nın yerli bürosunun məlumatına görə, hadisə Abşeron rayonunun Xırdalan şəhərində baş verib.
Belə ki, telejurnalist yeni aldığı mənzilində mebel ustasının fırıldağı ilə üzləşib. Rauf adlı mebel ustası köhnə mebeli almaq istədiyini bildirib. Mənzildə olan mebelin 650 manata satılması razılaşdırılıb. Usta üstündə pul olmadığını deyərək, mebeli aparıb pulu gətirəcəyinə söz versə də, mobil telefonlarını da söndürərək yoxa çıxıb.
Məsələ ilə Abşeron Rayon Polis İdarəsinə müraciət olunub. Faktla bağlı araşdırma aparılır.
