Tovuz rayonu, Yuxarı Öysüzlü kəndi ərazisində 1 ədəd mərmi tapılıb.
ONA Ərazilərin Minalardan Təmizlənməsi üzrə Milli Agentliyə (ANAMA) istinadən xəbər verir ki, məlumat "102" Xidməti-Zəng mərkəzi sistemindən daxil olub.
Agentliyin mütəxəssisləri və Tovuz rayon Polis Şöbəsinin əməkdaşları tərəfindən birlikdə qeyd olunmuş ərazidə otlaq sahəsinə baxış keçirilib.
Nəticədə 1 ədəd 85 mm-lik top mərmisi (BR-365K) aşkar olunub, zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.
