Ucar rayonunda həyət evi tamam yanıb.
ONA-nın yerli bürosunun xəbərinə görə, hadisə bu gün axşam saatlarında rayonun Bərgüşad kəndində qeydə alınıb.
Kənd sakini Asif Vaqif oğlu Sərzəliyevə məxsus 1 mərtəbəli, 4 otaqlı, ümumi sahəsi 130 kv/m olan evdə güclü yanğın baş verib.
Ev əşyaları ilə birlikdə tamam yanıb. Hadisə yerinə FHN-nin Ucar rayon Yanğından Mühafizə Hissəsinin 2, Göyçay rayon Yanğından Mühafizə Hissəsinin isə 1 yanğınsöndürən maşını və canlı qüvvə cəlb olunub. Yanğın söndürülüb, ətrafdakı tikililər yanğından mühafizə olunub. Hadisə zamanı ölən və xəsarət alan olmayıb.
Yanğının hansı səbəbdən baş verməsi araşdırılır.
Zahid Abışov
