Xudat rayonunda iki avtomaşın toqquşub, xəsarət alanlar var.
ONA-nın şimal bürosunun verdiyi məlumata görə, hadisə Xudat-Qusar yolunda qeydə alınıb.
"Citroen" markalı avtomaşınla "VAZ 2115" markalı nəqliyyat vasitəsinin toqquşması nəticəsində iki nəfər - Qusar rayon sakinləri, 1968-ci il təvəllüdlü Dair Mehdiyev və 1973-cü il təvəllüdlü Zamiq Yarıyev xəsarət alıb. Hər iki şəxs Xudat Şəhər Xəstəxanasında ilkin tibbi yardım aldıqdan sonra Xaçmaz Mərkəzi Rayon Xəstəxanasına yerləşdirilib.
Faktla bağlı araşdırmalar davam etdirilir.
Vəli Turan
