Yevlaxda həmkəndlisini bıçaqlayan şəxs saxlanılıb.
Bu barədə ONA-nın Mingəçevir bürosuna Daxili İşlər Nazirliyinin Mətbuat Xidmətinin Bərdə regional qrupundan məlumat verilib.
Məlumatda qeyd olunur ki, fevralın 26-da axşam saatlarında rayonun Yuxarı Qarxun kəndi ərazisində Elnur Məmmədovun kəsilmiş-deşilmiş yaralarla rayon Mərkəzi Xəstəxanasının reanimasiya şöbəsinə yerləşdirilməsi barədə rayon Polis Şöbəsinə operativ məlumat daxil olub.Məlumat əsasında dərhal əməliyyat qrupu yaradılıb.
Keçirilmiş əməliyyat-axtarış tədbirləri nəticəsində həmkəndlisinə xəsarət yetirməkdə şübhəli bilinən Zəkəriyyə Kərimov saxlanılaraq istintaqa təhvil verilib.
Dindirilmə zamanı o törətdiyi cinayət əməlini etiraf edib.
Faktla bağlı araşdırma aparılır.
Ehtiram Muradov
