Yevlaxda yol qəzasında xəsarət alanların şəxsiyyəti məlum olub.
ONA-nın Mingəçevir bürosunun məlumatına görə, qəza zamanı “VAZ 2106” markalı avtomobildə olan 5 nəfər xəstəxanaya aparılıb.
Onlardan biri sadəcə, qəza zamanı stress keçirdiyi üçün tibbi yardıma ehtiyac olmayıb. Xəsarət alanlar Oğuz sakinləri 1965-ci il təvəllüdlü Məhərrəmova Bağdagül Murad qızı, onun oğlu 1995-ci il təvəllüdlü Məhərrəmov Allahverdi Alışan oğlu və gəlini 1999-cu il təvəllüdlü Məhərrəmova Maşxal Həsən qızı və onların qohumu 1978-ci il təvəllüdlü Xusanova Zöhrə Mustaf qızıdır. Özbəkistanda yaşayan Z. Xusanova ailəyə qonaq gəlibmiş.
Qəzada xəsarət alanlardan 3-nün durumu orta-ağırdır.
***
saat 15.11
Yevlaxda minik avtomobili yük maşını ilə toqquşub, yaralananlar var.
ONA-nın Mingəçevir bürosunun məlumatına görə, hadisə az öncə rayonun Hacıselli kəndi yaxınlığında baş verib.
“Kamaz” markalı yük maşını “VAZ2106” markalı minik avtomobili ilə ilə toqquşub. Qəza nəticəsində 5 nəfər müxtəlif dərəcəli bədən xəsarətləri alaraq xəstəxanaya yerləşdirilib.
Faktla bağlı araşdırma aparılır.
