Paytaxtın Sabunçu rayonunda qəza törədib qaçan sürücü tutulub.
ONA-nın xəbərinə görə, Zabrat qəsəbəsində naməlum sürücü idarə etdiyi 55 BU 686 dövlət nömrə nişanlı avtomobillə yolu keçən piyadalar – eyni ünvanda yaşayan Bakı şəhər sakinləri 1958-ci il təvəllüdlü Mahmudova Kübra Kərim qızını və 2014-cü il təvəllüdlü Həsənli Nuray Vüqar qızını vuraraq hadisə yerindən qaçıb.
Keçirilən əməliyyat-axtarış tədbirləri nəticəsində hadisəni törədən Şəki rayon sakini 1963-cü il təvəllüdlü Cəmilov Xaləddin Əlisəfa oğlu Qəbələ rayonunda avtomobili ilə birlikdə saxlanılıb.
Fakt üzrə araşdırma aparılır.
