Yevlax-Balakən magistral qaz kəmərində qəza baş verib.
ONA-nın şimal-qərb bürosunun verdiyi məlumata görə, fevralın 21-i axşam saat 19 radələrindən heç bir xəbərdarlıq edilmədən Zaqatala və Balakən rayonlarına təbii qazın verilişi dayandırılıb. Buna Yevlax-Balakən magistral qaz kəmərinin Zaqatala rayonu ərazisindən keçən hissəsində qaz sızmasının baş verməsi səbəb olub.
Magistral qaz kəmərində aparılan təmir işləri səhər saatlarında başa çatıb.
Bu gün saat 10:30-dan bölgəyə təbii qazın verilişi bərpa edilib.
Vüqar Heydərov
