Erməni silahlı qrupu Xocavənddə Azərbaycan Ordusunun bölmələrinə hücum edib, bir əsgərimiz şəhid olub, düşmənin altı hərbçisi məhv edilib
  • HƏRBİ

  • 11:08 28 Dekabr 2020

Erməni silahlı qrupu Xocavənddə Azərbaycan Ordusunun bölmələrinə hücum edib, bir əsgərimiz şəhid olub, düşmənin altı hərbçisi məhv edilib

Dekabrın 27-də saat 15.30 radələrində Azərbaycanın Xocavənd rayonunun Ağdam (Akaku) kəndi istiqamətində qanunsuz erməni silahlı qrupu və ya ərazidə qalmış Ermənistan silahlı qüvvələrinin qalıqlarından ibarət 6 nəfərlik dəstə Azərbaycan Ordusunun bölmələrinə hücum edib.

ONA xəbər verir ki, bu barədə Müdafiə Nazirliyinin məlumatında bildirilib. Nəticədə bir nəfər hərbi qulluqçumuz, əsgər Qənbərov Elmir Rayil oğlu şəhid olub, əsgər Əliyev Emin Süleyman oğlu isə yaralanıb. İlkin tibbi yardım göstərildikdən sonra yaralı hərbi qulluqçumuz tibb müəssisəsinə təxliyə edilib, həyatı üçün heç bir təhlükə yoxdur.

Görülən tədbirlər nəticəsində qanunsuz erməni hərbi dəstəsinin altı üzvü məhv edilib: "Bu kimi hal təkrarlanarsa, Azərbaycan Ordusu tərəfindən qəti tədbirlər görüləcək. 

Müdafiə Nazirliyinin rəhbərliyi şəhidin ailəsinə dərin hüznlə başsağlığı verir və səbr diləyir. Allah rəhmət eləsin!". 

ONA

Teqlər:

OXŞAR XƏBƏRLƏR