“Gəliri azalsa da, “Azərsun Holdinq” “Qarabağ” futbol klubuna maliyə dəstəyini əsirgəməyəcək”.
ONA-nın xəbərinə görə bunu jurnalistlərlə görüşdə holdinqin prezidenti Abdulbari Gözəl deyib.
Onun sözlərinə görə, “Qarabağ”ın məşqçisi Qurban Qurbanovun qalır: “Bizim gəlirlərimiz azalıb. Əlimizdə olan vəsaitin azlığına baxmayaraq, “Qarabağ”alazım olan vəsaiti ayırırıq. Qarabağ milli məsələ kimi önümüzdə durur. Dünyada bunun siyasi dəyəri var. Qurban Qurbanova gəldikdə isə onu da deyim ki, o, dürüst insandır və bizə də elə dürüst insan lazımdır".
Şirkətin gəlirlərinin azalması məsələsinə toxunan A. Gözəl bəzi məqamlarla izah edib: "Bəzi rəqiblərimiz var ki, ƏDV ödəmədən məhsullarını satırlar. Bu da bizim birmənalı olaraq gəlirlərinin azalmasına səbəb olur. Biz bu məsələ ilə bağlı Vergilər Nazirliyinə müraciət etmişik, və bu məsələ həll olunmaqdadır. Bundan sonra rəqabət daha da sağlamlaşacaq".
