SOCAR 2019-cu ilin birinci rübündə 200 min tona yaxın dizel yanacağı ixrac edib.
ONA-nın məlumatına görə, bu barədə SOCAR-ın emal üzrə vitse-prezidenti David Məmmədov bildirib.
Onun sözlərinə görə, hesabat dövründə 8 min mayeləşdirilmiş qaz ixrac edilib: “Hazırda Heydər Əliyev adına Bakı Neft Emalı Zavodunda istehsal olunan neft məhsullarından dizel və mayeləşdirilmiş qaz ixrac edilir. Digər məhsullar isə daxili bazara yönəldilir”.
D. Məmmədov əlavə edib ki, mayeləşdirilmiş qaz Gürcüstan, İran, Pakistan və Əfqanıstana, dizel yanacağı isə Gürcüstan və Qara dəniz regionuna göndərilir.
