“Azərbaycan Dəmir Yolları” Novruz bayramı ilə əlaqədar gücləndirilmiş iş rejiminə keçib
  • İQTİSADİYYAT

  • 12:38 13 Mart 2019

“Azərbaycan Dəmir Yolları” Novruz bayramı ilə əlaqədar gücləndirilmiş iş rejiminə keçib

“Azərbaycan Dəmir Yolları” Qapalı Səhmdar Cəmiyyətinin (QSC) Sərnişin daşımaları Departamentinin kollektivi Novruz bayramı ilə əlaqədar gucləndirilmiş iş rejiminə keçib.

“Azərbaycan Dəmir Yolları” QSC-nin İctimaiyyətlə əlaqələr şöbəsinin rəisi Sevinc Qədirova ONA-ya bildirib ki, Departamentin kollektivi sərnişin qatarlarında xidmət mədəniyyətinin yüksəldilməsi üçün bütün qüvvələri səfərbər edib.

Sərnişin sıxlığının artması ilə əlaqədar, ölkə daxilində hərəkət edən sərnişin qatarlarına hər gün tələbata uyğun olaraq əlavə vaqonların qoşulması təmin edilir.

"Bir daha sərnişinlərin nəzərinə çatdırırıq ki, sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqonlar qatara qoşulan gün həyata keçirilir", - deyə S. Qədirova bildirib.

Fərid Mirzəyev

Teqlər: novruz bayramı dəmir yolu qatar

OXŞAR XƏBƏRLƏR