“ADY Konteyner” MMC ilə Çinin “Xi'an Continental Bridge International Logistics Co. Ltd” 2019-cu ildə Transxəzər Beynəlxalq Nəqliyyat Marşrutu ilə 30 konteyner qatarını (2 460 TEU) buraxmağı planlaşdırır.
ONA-nın "Azərbaycan Dəmir Yolları" QSC-yə istinadən verdiyi məlumata görə, bu günlərdə Pekində “Bir kəmər və bir yol” təşəbbüsü çərçivəsində şirkətlər arasında nəqliyyat-tranzit sahəsində Strateji Əməkdaşlıq Anlaşması imzalanıb.
“Sənəddə tərəflər Transxəzər Beynəlxalq Nəqliyyat Marşrutu ilə hərəkət edən konteyner qatarlarının təşkili üzrə razılığa gəliblər. Hər iki şirkət 2019-cu ildə 30 konteyner qatarı (2460TEU) buraxmağı planlaşdırır. Razılaşma həmçinin Bakı Beynəlxalq Dəniz Ticarət Limanının nəqliyyat qovşağı kimi fəaliyyətinin genişləndirilməsində əhəmiyyətli rol oynayacaq”, - məlumatda deyilir.
