Azərbaycan sahibkarları Almaniyada aqrar istehsalat üzrə təcrübə keçir
  • İQTİSADİYYAT

  • 11:54 28 Mart 2019

Azərbaycan sahibkarları Almaniyada aqrar istehsalat üzrə təcrübə keçir

Kiçik və Orta Biznesin İnkişafı Agentliyi tərəfindən “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində sahibkarların və menecerlərin 2019-cu ildə "İqtisadi kooperasiya" üzrə Almaniyada ixtisasartırma kurslarına göndərilməsi məqsədilə müsabiqə keçirilib.

Agentlikdən ONA-ya verilən məlumata görə, müsabiqəni müvəffəqiyyətlə keçmiş 18 sahibkar və menecerdən ibarət aqrar sahə üzrə ilk qrup artıq Almaniyanın Hamburq şəhərində yerləşən "Beynəlxalq Akademiya" Tədris Mərkəzində təlim və istehsalat təcrübəsi keçir.

İqtisadiyyatın müxtəlif sahələrində fəaliyyət göstərən 20 sahibkar və menecerdən ibarət növbəti qrupun Almaniyaya səfəri isə 11 iyun - 6 iyul tarixlərində nəzərdə tutulur.

Hüseyn Vəliyev

Teqlər: KOBİA Almaniya təcrübə

OXŞAR XƏBƏRLƏR