Əlilliyin qiymətləndirilməsi sisteminin şəffaflaşdırılması istiqamətində Azərbaycan Əmək və Əhalinin Sosial Müdafiəsi Nazirliyi tərəfindən görülən tədbirlər cari ilin birinci rübündə də ilkin əlillik təyinatlarının sayında ciddi şəkildə azalmaya səbəb olub.
Nazirlikdən ONA-ya verilən məlumata görə, 2019-cu ilin yanvar-mart aylarında nazirlik yanında Dövlət Tibbi-Sosial Ekspertiza və Reabilitasiya Xidməti tərəfindən ilkin əlillik təyin olunanların sayı ötən ilin müvafiq dövrü ilə müqayisədə 49% azalmaqla 5 310 nəfər təşkil edib.
O cümlədən, ilkin olaraq I dərəcə əlillik təyinatı 2018-ci ilin I rübünə nisbətən 3 dəfə, II dərəcə əlillik təyinatı 3 dəfəyə yaxın, III dərəcə əlillik təyinatı 26%, sağlamlıq imkanlarının məhdudluğunun təyinatı 34% azalıb.
|
Dərəcə |
2019-cu ilin I rübündə ilkin əlillik təyin olunanlar (nəfər) |
2018-ci ilin I rübü ilə müqayisədə azalma |
|
I dərəcə |
531 |
66%▼ |
|
II dərəcə |
2248 |
57%▼ |
|
III dərəcə |
1078 |
26%▼ |
|
Sağlamlıq imkanları məhdudluğun təyinatı |
1453 |
34%▼ |
|
CƏMİ |
5310 |
49%▼ |
Əlilliyin dinamikasında özünü göstərən azalma tempi əlillik təyinatlarının aparılmasında inzibatçılığın təkmilləşdirilməsi və struktur dəyişiklikləri, əsassız göndərişlər üzrə aparılmış əlillik təyinatlarının müəyyənləşdirilərək ləğv edilməsi, ümumən bu sahədə ciddi nəzarət tədbirlərinin müsbət nəticəsidir.
