Bu ilin birinci rübündə Bakı Fond Birjasının (BFB) dövriyyəsi ötən ilin analoji dövrü ilə müqayisədə 16,7% azalıb.
ONA-nın BFB-yə istinadən verdiyi məlumata görə, hesabat dövründə BFB-də bütün alətlər üzrə keçirilən əqdlərin ümumi həcmi ötən ilin analoji dövrü ilə müqayisədə bu il 16,7% azalaraq 4 649,302 mln. manat olub.
BFB-də dövlət qiymətli kağızlar üzrə dövriyyə ötən ilin analoji dövrü ilə müqayisədə 40,8% artaraq 3 671,751 mln. manat təşkil edib.
Hesabat dövründə Maliyyə Nazirliyinin iqstiqrazları üzrə dövriyyə 15,2% artaraq 227,439 mln. manat olub. Azərbaycan Mərkəsi Bankının notları üzrə dövriyyənin həcmi isə 42,9% artaraq 3 444,311 mln. manat təşkil edib.
