“Bakı Metropoliteni” QSC-də yeni rabitə sistemi qurulur. Bunu jurnalistlərə açıqlamasında “Bakı Metropoliteni” QSC-nin işarə vermə və rabitə xidmətinin rəisi Elçin Məmmədov deyib.
Onun sözlərinə görə, hazırda qatar maşinisti ilə növbətçi arasında məlumatlar köhnə rabitə sistemi üzərindən, radiodalğalar vasitəsilə ötürülür: "Gələcəkdə qurulacaq yeni radiorabitə sistemi vahid şəbəkə üzərindən məlumat mübadiləsinin daha effektiv və keyfiyyətli olmasına imkan yaradacaq. Qatar radiorabitəsinin təhlükəsizliyini təmin etmək üçün qorunan tezliklərdən istifadə olunur”.
