Bakıda Menecment və İnnovasiya Forumu keçiriləcək
  • İQTİSADİYYAT

  • 11:49 16 May 2019

Bakıda Menecment və İnnovasiya Forumu keçiriləcək

Mayın 21-də Azərbaycan Respublikası Sahibkarlar Təşkilatları Milli Konfederasiyasının dəstəyi ilə Bakıda Menecment və İnnovasiya Forumu keçiriləcək.

ONA-nın məlumatına görə, tədbir “Yaxşı idarəetmə, innovasiya və şəffaflıq” devizi altında təşkil olunacaq.

Forumun məqsədi ölkədə idarəetmənin və menecmentin inkişafına dəstək olmaq, idarəetməyə dair yenilikləri paylaşmaq, şəbəkələşməni inkişaf etdirmək və idarəetmə mövzusuna aid məsələləri müzakirə etməkdir. Forumda idarəetmə və innovasiya mövzularına aid iki panel nəzərdə tutulub və bu panellərdə yerli və xarici ekspertlərin çıxışı planlaşdırılıb.

Tədbirdə müəssisə və təşkilat rəhbərləri, sahibkarlar, idarəetmə məsləhətçiləri, gələcək liderlik vəzifəsinə hazırlanan şəxslər iştirak edə bilərlər. Forumda özəl şirkətlərlə yanaşı, müvafiq dövlət qurumlarından rəsmilər, ümumilikdə 200-dək şəxs iştirak edəcək.

OXŞAR XƏBƏRLƏR