Bu günlərdə metronun “Bakmil” stansiyası əsaslı təmir və yenidənqurma işlərindən sonra istismara veriləcək.
“Bakı Metropoliteni” QSC-dən ONA-ya verilən məlumata görə, metronun açıq tipli yeganə stansiyası platforma üzərində qurulan çətirlə sərnişinləri, qurğu və avadanlıqları yağıntıların təsirindən qoruyacaq.
Eyni zamanda, 2019-cu ildə “Xətai” stansiyasının istismar müddətini başa vurmuş 3 eskalatoru Almaniya istehsalı 4 yeni eskalatorla əvəzlənəcək, stansiyanın bütün infrastrukturu tamamilə yenilənəcək.
