Aprelin 30-da Belarus "Drujba" kəməri ilə Rusiyadan neft qəbulunu tam dayandırıb. Neftin tranziti keyfiyyətsiz neft kəmərdən çıxarıldıqdan sonra mayın 2-də bərpa olunacağı gözlənilir.
ONA-nın Belarus mətbuatına istinadən verdiyi məlumata görə, Belarus öz ərazisi ilə neftin nəqlini (kəmərin orta illik yüklənmə gücünün 60-65%-nin) mayın 10-11-də başlamağa planlaşdırır.
"Gomeltransneft Druzhba" hesablamalarına əsasən, Rusiya, Belarus, Ukrayna və Polşa boru kəmərlərində olan keyfiyyətsiz neftin həcmi 5 mln. tona yaxın olduğu deyilir. Nasosun bərpası üçün tədbirlər yalnız "Dostluq" xəttinin bərpasına imkan verəcək. Nəqlin bərpası istiqamətində aparılan işlər nəticəsində "Drujba" neft kəmərləri sisteminin ancaq bir qolunun işə salınması mümkün olacaq.
Minsk aprel ayının ortalarında "Drujba" (Belarus, Ukrayna və Polşanın ərazisi ilə Almaniyaya nəql olunan) Rusiyadan Belarusa nəql olunan neftin keyfiyyəti ilə əlaqədar problemlərdən şikayət edib. "Transneft" şirkəti neftin tərkibində xloridlərin həcminin çox olmasını təsdiq edib və problemin həlli üçün tədbirlər görəcəyinə söz verib. Şirkət "Samaratransneft-Terminal" şirkətinin mülkiyyətində olan Samara şəhərindəki ölçmə məntəqəsindən "Drujba" boru kəmərinə keyfiyyətsiz neftin daxil olmasını bildirib.
