Bu gün Bakı Fond Birjasında (BFB) Azərbaycan Mərkəzi Bankının (AMB) 50101373S dövlət qeydiyyat nömrəli, 300 mln. manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
ONA-nın BFB-yə istinadən verdiyi məlumata görə, hərrac zamanı 12 investor tərəfindən qiyməti 99,3065 AZN (8,98%) ilə 99,4581 AZN (7,01%) arasında olan 22 sifariş təqdim edilib. Sifarişlərin nominal qiymətlə ümumi məbləği 359,436 mln AZN olub.
AMB-nin qərarına əsasən, notların kəsmə qiyməti 99,3065 AZN (8,98%), orta ölçülmüş qiyməti 99,3220 AZN (8.78%) müəyyən edilib. Hərrac nəticəsində notların yerləşdirilmiş həcmi 300 mln. AZN təşkil edib. Notların ödəmə tarixi 24.04.2019.
