“Diqlas”da mağaza və anbarı yanan sahibkara 10 min, piştaxtası yanana 2 min manat veriləcək
  • İQTİSADİYYAT

  • 18:45 03 Aprel 2019

“Diqlas”da mağaza və anbarı yanan sahibkara 10 min, piştaxtası yanana 2 min manat veriləcək

“Diqlas” ticarət mərkəzində mağaza, anbar icarəyə götürmüş zərər çəkmiş sahibkara 10000 manat maddi yardım veriləcək.

ONA-nın məlumatına görə, bu, İqtisadiyyat Nazirliyinin Kollegiyasının təsdiq etdiyi “Bakı şəhərinin Nizami rayonundakı ticarət mərkəzində baş vermiş yanğın nəticəsində zərər çəkmiş sahibkarlara maddi yardım göstərlməsi Qaydası”nda əksini tapıb.

Piştaxta və digər sahə icarəyə götürmüş zərər çəkmiş sahibkara isə 2000 manat maddi yardım ediləcək.

Maddi yardım zərər çəkmiş sahibkara dəymiş ziyandan artıq ödənilmir.

Qeyd edək ki, Qaydaya əsasən İqtisadiyyat Nazirliyinə müraciət üçün maddi yardımın ödənilməsi haqqında ərizə forması da təsdiqlənib.

 

Ramiz Mikayıloğlu

Teqlər: yanğın Diqlas sahibkar bütün xəbərlər

OXŞAR XƏBƏRLƏR