Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən "AzInTelecom" MMC Yevlaxda ehtiyat DATA-mərkəzinin tikintisinə start verib.
Bu barədə ONA-ya "AzInTelecom"un kommersiya departamentinin rəhbəri Ruslan Əliyev məlumat verib.
Onun sözlərinə görə, ehtiyat DATA-mərkəzi dövlət rabitə operatoru "Aztelekom" MMC-in Yevlax telekommunikasiya qovşağı ərazisində yerləşəcək.
“Yevlaxdakı ehtiyat DATA-mərkəzi Tier3 sertifikatına malik olacaq və Bakıdakı əsas mərkəzdə olduğu kimi, burada da bütün xidmətlər istifadəçilərin ixtiyarına veriləcək. Mərkəzin istifadəyə verilməsi bu ilin üçüncü rübünə nəzərdə tutulub”, - deyə o bildirib.
R.Əliyevin sözlərinə görə, təqdim olunacaq sistemin demo-versiyası artıq sınaq mərhələsindədir.
