Fevral ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsüm başa çatmamış azot gübrəsinin güzəştli şərtlərlə səyyar satışına başlanılıb. ONA-nın Kənd Təsərrüfatı Nazirliyinə istinadən verdiyi məlumata görə, səyyar satışın həyata keçirilməsində əsas məqsəd gübrələrin alışı zamanı vətəndaşların sərf etdikləri vaxt, məsafə itkisinin və əlavə məsrəflərin qarşının alınmasıdır.
Şəki, Oğuz, Göyçay, Sabirabad, İsmayilli, Astara, Biləsuvar, Saatlı, Kürdəmir, Xaçmaz, Siyəzən rayonlarının ardınca növbəti səyyar satış Şəmkir rayonunun Çənlibel kəndində baş tutub. Səyyar satış zamanı Çənlibel və ətraf kəndlərdən 55 vətəndaş müraciət edərək 22,850 ton ammonium nitrat, 9 ton nitroammafoska, 600 kq ammofos ümumilikdə 32,450 ton mineral gübrə ediblər.
Səyyar satış zamanı vətəndaşlar tələb olunan sənədləri təqdim etməklə 70% güzəştdən yararlanaraq mineral gübrəni əldə ediblər.
Bu gün Qazax rayonunun Alpout kəndində növbəti səyyar satış keçiriləcək.
