"Bu gün Türkiyə Ödəniş və Elektron Pul təşkilatları Birliyi və Azərbaycan Fintex Assosiasiyası ilə birlikdə Fintex forumu keçiririk. Burada hər iki ölkə öz təcrübələrini bölüşəcək. Əsas məqsədimiz, hər iki ölkənin fintex ekosistemi çərçivəsində dünyada və Avropada söz sahibi ola bilməsidir".
ONA xəbər verir ki, bunu Türkiyə Ödəniş və Elektron Pul Təşkilatları Birliyinin (TÖDEB) İdarə Heyətinin sədri Ufuk Bilgetekin Bakıda keçirilən Azərbaycan-Türkiyə Fintex Forumunda deyib.
O bildirib ki, bu gün Bakıda ilki keçirilən Azərbaycan-Türkiyə Fintex Forumunun 2-ci hissəsi noyabr-dekabr aylarında İstanbulda keçiriləcək.
