Hesablama Palatası bu il 6 mln. manatdan çox vəsaitin dövlət büdcəsinə bərpasını təmin edib
  • İQTİSADİYYAT

  • 11:12 23 May 2019

Hesablama Palatası bu il 6 mln. manatdan çox vəsaitin dövlət büdcəsinə bərpasını təmin edib

"Keçən il 9 nəzarət tədbirinin nəticələrini hüquq mühafizə orqanlarına göndərmişik. Onun içərisində həm inzibati, həm də cinayət məsuliyyət yaradan hallarla bağlı audit tədbirlərin nəticələri var".

ONA xəbər verir ki, bunu jurnalistlərə açıqlamasında Hesablama Palatasının sədri Vüqar Gülməmmədov deyib.

O bildirib ki, cari il ərzində isə yol verilən pozuntularla əlaqədar iki audit tədbir hüquq mühafizə orqanlarına göndərilib: "Onların təqdim etdikləri hesabatlara  əsasən, hər bir nəzarət tədbiri ilə bağlı cinayət işi başlanılıb".

V. Gülməmmədov bildirib ki, pozuntular nəticəsində keçən il yalnız dövlət büdcəsinə, Dövlət Sosial Müdafiə Fonduna və müəssisələrin hesabına 23 mln. manat vəsait bərpa olunub: "Büdcə vəsaitinin bərpası ilə yanaşı, natural ifadədə bərpa var ki, bu, 5,5 mln. manat ətrafındadır. Bu il isə 5 ay ərzində dövlət büdcəsinə 6 mln. manatdan yuxarı vəsaitin bərpasını təmin etmişik".

OXŞAR XƏBƏRLƏR