“Kapital Bank” BMT-nin Əhali Fondu ilə memorandum imzalayıb - [color=red]R[/color]
  • İQTİSADİYYAT

  • 15:48 05 Mart 2019

“Kapital Bank” BMT-nin Əhali Fondu ilə memorandum imzalayıb - R

“Kapital Bank” BMT-nin Əhali Fondu (BMTƏF) ilə birgə əməkdaşlığı əks etdirən memorandum imzalayıb.

Bankdan ONA-ya verilən məlumata görə, mərasimdə “Kapital Bank”ın İdarə Heyəti sədrinin 1-ci müavini Fərid Hüseynov və BMTƏF-in Azərbaycandakı nümayəndəliyinin baş müşaviri Fərid Babayev iştirak edib.

İki qurum arasında baş tutacaq ilk layihə 8 mart - Beynəlxalq Qadınlar Gününə həsr olunan “İtirdiyimiz qızlar” adlı ictimai vəkillik kampaniyası olacaq. Kampaniya çərçivəsində sosial mediada bir sıra aktivliklər və “Kapital Bank”ın filiallarında, doğulan uşaqlar arasında cins nisbətinin pozulmasına qarşı məlumatlandırma materialları paylanacaq.

“Biz korporativ sosial məsuliyyət strategiyamıza uyğun olaraq il ərzində bir sıra layihələr həyata keçiririk. Təbii ki, bu tip layihələr cəmiyyət üçün əhəmiyyətli məna kəsb edəcək bir siqnal olmalıdır, insanları düşündürməlidir. BMT-nin Əhali Fondu ilə əməkdaşlığımız nəticəsində də maarifləndirici layihələri təqdim etməyi düşünürük. Memorandum çərçivəsində həyata keçirilən ilk layihəmiz 8 mart ərəfəsində təqdim olunacaq”, - deyə “Kapital Bank”ın İdarə Heyəti sədrinin 1-ci müavini Fərid Hüseynov bildirib.

“Azərbaycanın bank sektorunun liderindən biri ilə memorandumun imzalanması Dayanaqlı İnkişaf Məqsədlərinə çatmaq istiqamətində dinamik və inklüziv strateji əməkdaşlığa zəmin yaradacağına əminəm. Korporativ sosial məsuliyyət çərçivəsində gender bərabərliyi və demoqrafiyanın inkişafına həssaslıq göstərən və BMTƏF fəaliyyətinə töhfə verdiyi üçün Kapital Bank-a minnətdarlığımı bildirirəm”, - deyə BMTƏF-in Azərbaycandakı nümayəndəliyinin baş müşaviri Fərid Babayev bildirib.

Qeyd edək ki, BMT-nin Əhali Fondu reproduktiv sağlamlıq və hüquqların təşviqinə çalışan BMT-nin aparıcı təşkilatıdır. Azərbaycanda fəaliyyət göstərdiyi 25 il ərzində BMT-nin Əhali Fondunun səyləri əhalinin mövcud və gələcək ehtiyaclarının müvafiq şəkildə həll olunması üçün milli siyasət və proqramların formalaşdırılması, həyata keçirilməsi və monitorinqi üçün demoqrafik məlumatların mövcudluğunu, əlçatanlığını və istifadəsini yaxşılaşdırmaq üçün milli potensialın artırılmasına yönəlib.

Azərbaycanda ən böyük filial şəbəkəsinə malik olan “Kapital Bank” 98 filialı və 13 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

Aytən Yusifova

Teqlər: “Kapital Bank” BMT-nin Əhali Fondu

OXŞAR XƏBƏRLƏR