Keçən il dövlət büdcəsinin gəlirləri 22 milyard 508 milyon manat və ya 101,6 faiz, dövlət büdcəsinin xərcləri 22 milyard 723,2 milyon manat və ya 98,4 faiz səviyyəsində icra olunub.
ONA-ın məlumatına görə, bu, Nazirlər Kabinetinin 2018-ci ildə fəaliyyəti haqqında hesabatında əksini tapıb.
Başqa sözlə, 2018-ci ilin dövlət büdcəsinin gəlirləri 22 milyard 149 milyon manata qarşı icra 22 milyard 508,9 milyon manat və ya 101,6 faiz olub ki, bu da 2017-ci illə müqayisədə 5 milyard 992,2 milyon manat və ya 36,3 faiz çoxdur.
Sənəddə qeyd edilib ki, 2018-ci ilin dövlət büdcəsində 214,3 milyon manat kəsir yaranıb.
Keçən il büdcə daxilolmalarının 32,9 faizi Vergilər Nazirliyi, 15,3 faizi Dövlət Gömrük Komitəsi tərəfindən təmin edilib, 48,7 faizi isə Dövlət Neft Fondundan, 2 faizi dövlət büdcəsindən maliyyələşdirilən təşkilatların ödənişli xidmətlərindən, 1,1 faizi isə sair mənbələrdən daxil olub.
