İsveçin Korroziya İnstitutunun mütəxəssisləri korroziyaya qarşı ən davamlı və həssas avtomobilləri müəyyən ediblər.
ONA-nın Rusiya mətbuatına istinadən verdiyi məlumata görə, xüsusilə, 2003-2005-ci illərdə istehsal edilən avtomobillər arasında korroziyaya qarşı ən yüksək davamlılığı "Audi A4", "Mercedes C-Class", "Volkswagen Golf" modellərində nümayiş olunub. 2004-2005-ci illərdə istehsal olunan avtomobil modellərindən isə "Nissan Micra", "Renault Megane", "Volvo 40-series", "Skoda Octavia", "Mitsubishi Carisma", "Opel Astra" və "Citroen C5" korroziyaya daha davamlı olduqları bildirilib.
Korroziyaya ən həssas avtomobillər arasında isə 2003-2005-ci illərin istehsalı olan "Mazda 6", "Ford Focus", "Ford Mondeo", "Kia Picanto", "Toyota Corolla", "Mercedes E-class", "Meredes A-class", "Volkswagen Passat" və digər avtomobil modelləri yer alıb.
Buna baxmayaraq, İsveçin Korroziya İnstitutunun mütəxəssisləri dünyada korroziyaya uğramayan avtomobillərin olmadığını da bildiriblər.
