"Güləbird" yarımstansiyadan Laçın dəhlizindən keçməklə Laçının Minkənd kəndinə 35 kilovoltluq yeni elektrik xətti çəkilir.
Bunu "APA-Economics"ə "Azərişıq" ASC-nin mətbuat xidmətinin rəhbəri Vaqif Mustafayev deyib.
Onun sözlərinə görə, hazırda bu istiqamətdə aparılan işlər yekunlaşmaq üzrədir.
""Azərişıq" "Güləbird" yarımstansiyadan Laçının Minkənd kəndinə 35 kilovoltluq yeni xətt çəkir. Elektrik xətti Laçın dəhlizindən keçir. Hazırda bu istiqamətdə aparılan işlər yekunlaşmaq üzrədir. İşlərin artıq 75%-i yerinə yetirilib", - deyə V. Mustafayev qeyd edib.
