“Lukoil” Xəzər Boru Kəməri Konsorsiumu sisteminə 10 mln. tondan çox neft nəql edib
  • İQTİSADİYYAT

  • 16:20 14 Mart 2019

“Lukoil” Xəzər Boru Kəməri Konsorsiumu sisteminə 10 mln. tondan çox neft nəql edib

Rusiyanın “Lukoil” şirkəti Xəzər Boru Kəməri Konsorsiumu sisteminə Vladimir Filanovskiy adına yatağdan göndərdiyi neftin həcmi 10 mln. tonu keçib.

ONA-nın “Lukoil”ə istinadən verdiyi məlumata görə, nefti sahilə nəql etmək üçün “Lukoil” sualtı və quru boru kəmərləri sistemini qurub. Neft əsasən quruda yerləşən obyektlərin su anbarı parkına daxil olur, sonra isə ixrac məqsədilə Xəzər Boru Kəməri Konsorsiumunun sisteminə göndərilir.

Neftin nəqli əmək, sənaye və ekoloji təhlükəsizlik standartlarına tam uyğun şəkildə həyata keçirilir. “Lukoil”in dəniz layihələrində "sıfır axıdılması" sistemi istifadə olunur ki, bununla da tullantıların təhlükəsiz istifadəsi və utilizasiyası üçün sahilə nəql olunur.