"Maersk Explorer" üzən qazma qurğusu (ÜQQ) təmirdən sonra Bakı Gəmiqayırma Zavodundunu tərk edib.
ONA-nın etibarlı mənbəyə istinadən verdiyi məlumata görə, ÜQQ-də bütün təmir işləri bitmiş və qurğu Xəzər dənizində qazma əməliyyatlarını davam etdirmək üçün zavod ərazisini tərk edib: “Üzən qurğu zavodun ərazisini tərk edib”.
Qurğuda planlaşdırılmış təmir işləri 45 gün davam edib.
Qeyd edək ki, "Maersk Explorer" Azərbaycanın "Azəri-Çıraq-Günəşli" və "Şahdəniz" kimi böyük dəniz yataqlarının işlənilməsində istifadə olunur.
