Ötən il ərzində “Paşa Sığorta” şirkətinin xalis mənfəəti əvvəlki illə müqayisədə 71% və ya 8,476 mln. artaraq 22,416 mln. manat təşkil eib. ONA-nın şirkətin maliyyə hesabatına istinadən verdiyi məlumata görə, 2018-ci ildə "Paşa Sığorta"nın cəmi gəlirləri 134,364 mln. manat olub. Bu göstərici 2017-i illə müqayisədə 16% və ya 22,667 mln manat çoxdur. Şirkət 2018-ci ildə 28 mln. manat maliyyə mənfəətindən 5,934 mln. mənfəət vergisi ödəyib.
2017-ci ildə "Paşa Sığorta" 104,911 mln. manat sığorta haqqı topladığı halda, 2018-ci ildə bu rəqəmi 124,773 mln manata çatdırıb. Hesabat ilində şirkətin cəmi aktivləri 174, 824 mln. manat, cəmi kapitalı 74,997 mln. manat, cəmi öhdəlikləri isə 99,828 mln. manat təşkil edib.
