Pərviz Şahbazov “OPEC plus” ölkələri nazirlərinin bu gün keçiriləcək online görüşündə iştirak edəcək
  • İQTİSADİYYAT

  • 17:27 12 Aprel 2020

Pərviz Şahbazov “OPEC plus” ölkələri nazirlərinin bu gün keçiriləcək online görüşündə iştirak edəcək

Bu gün Bakı vaxtı ilə saat  20.00-da OPEC və qeyri-OPEC ölkələrinin nazirləri online formatda görüşəcəklər. 

Energetika Nazirliyindən ONA-ya verilən məlumata görə, görüş OPEC və qeyri-OPEC ölkələri nazirlərinin  9-cu iclasından irəli gələn məsələlər üzrə məsləhətləşmələr çərçivəsində baş tutur.

Səudiyyə Ərəbistanının Energetika naziri şahzadə Əbdül Əziz bin Salman sədrliyi və Rusiya Federasiyasının Energetika naziri Aleksandr Novakın həmsədrliyi keçiriləcək görüşə OPEC və “Əməkdaşlıq Bəyannaməsi”ndə iştirak edən qeyri-OPEC ölkələrinin  nazirləri qatılacaq. Azərbaycanın Energetika naziri Pərviz Şahbazov da  “OPEC plus” ölkələri nazirlərinin  müzakirələrində iştirak edəcək.

Xatırladaq ki, 9 apreldə OPEC və qeyri-OPEC ölkələri nazirlərinin iclasında mayın 1-dən 2022-ci ilin aprelinədək gündəlik neft hasilatının üç mərhələ üzrə müvafiq olaraq 10-8-6 mln.barrel həcmlərində azaldılması barədə qərar qəbul edilib.

OXŞAR XƏBƏRLƏR