TAP kəməri üzrə işlərin 95%-i tamamlanıb
  • İQTİSADİYYAT

  • 11:49 23 İyul 2019

TAP kəməri üzrə işlərin 95%-i tamamlanıb

Azərbaycan qazının Avropaya nəqlini nəzərdə tutan Trans-Adriatik Boru Kəmərinin (TAP) inşası çərçivəsində quruda aparılan işlərin 95%-dən çoxu başa çatdırılıb.

Bu barədə TAP konsorsiumunun yaydığı məlumatda bildirilir.

Məlumata görə, aparılan işlər Yunanıstan, Albaniya və İtaliya marşrutu üzrə 765 kilometri əhatə edib.

Xatırladaq ki, Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın ilkin olaraq ildə 10 mlrd. kubmetrinin Avropaya nəqli nəzərdə tutulur. Bu boru kəməri Yunanıstan, Albaniya və Adriatik dənizindən keçməklə İtaliyanın cənubuna qədər uzanacaq. Gələcəkdə kəmərin illik nəqletmə gücü 20 mlrd. kubmetrə artırılması planlaşdırılıb.

Azərbaycan qazının Avropaya 2020-ci ildə çatdırılması nəzərdə tutulur.

OXŞAR XƏBƏRLƏR