Türkiyənin "Petkim" limanında yanan gəmi SOCAR-a məxsus deyil- [color=red]YENİLƏNİB
  • İQTİSADİYYAT

  • 12:05 02 İyul 2019

Türkiyənin "Petkim" limanında yanan gəmi SOCAR-a məxsus deyil- YENİLƏNİB

Dünən axşam saat 23:20 radələrində Petkim limanının 5 saylı yanalma körpüsünə maye hidrokarbon doldurmaq  üçün yaxınlaşan zaman  İtaliya bayraqlı , “Synzania” adlı gəmidə məlum olmayan səbəblərdən yanğın baş verib. Bu barədə "APA-Economics"ə “SOCAR Türkiyə”dən bildirilib. 

"Əməkdaşlarımızın dərhal müdaxiləsi nəticəsində yanğın söndürülmüş, gəmidə soyutma əməliyyatları davam etdirilməkdədir", - deyə “SOCAR Türkiyə”dən qeyd olunub.

Məlumata əsasən, bütün  gəmi əməkdaşları təxliyə edilmiş; yaralı bir gəmi əməkdaşı vəfat etmiş , qazdan zəhərlənən bir nəfər isə  müalicə və müayinə üçün xəstəxanaya yerləşdirilmişdir. Yanğının səbəbi araşdırılır.

Qeyd edək ki, bu gün Türkiyənin İzmir şəhərinin Əliağa bölgəsində yerləşən və SOCAR-a məxsus olan "Petkim" limanında gəmidə partlayış baş verib. Partlayış yanğına səbəb olub. Hadisə nəticəsində bir nəfər dünyasını dəyişib, 16 nəfər müxtəlif xəsarət alıb.

 

***

 

10.49

 

Türkiyənin İzmir şəhərinin Əliağa bölgəsində yerləşən, SOCAR-a məxsus olan "Petkim" limanında gəmidə partlayış baş verib. Partlayış yanğına səbəb olub.

APA-nın Türkiyə mətbuatına istinadən verdiyi məlumata görə, hadisə nəticəsində bir nəfər dünyasını dəyişib, 16 nəfər müxtəlif xəsarət alıb.

Hadisənin səbəbi hələlik məlum deyil.

OXŞAR XƏBƏRLƏR