Azərbaycan Hesablama Palatası tərtib olunmuş iş planı əsasında fəaliyyət göstərir. Bu ilin sonuna qədər əsas planımız Palatanın funksional fəaliyyətinin əsas istiqamətindən biri kənar dövlət maliyyə nəzarətinin keçirilməsidir. Bunu ONA-ya Hesablama Palatasının sədri Vüqar Gülməmmədov bildirib.
Onun sözlərinə görə, bu il Hesablama Palatası üçün ən əsas məsələ Hesablama Palatası haqqında yeni qanunun tətbiqi ilə əlaqədar onun vəzifə və salahiyyətlərinə aid edilmiş sərhədlər çərçivəsində audit tədbir fəaliyyətini genişləndirməkdir. Həmçinin bu sahədə beynəlxalq qabaqcıl təcrübəni tətbiq etməklə, maliyyə nəzarəti sahəsində fəaliyyətin daha gücləndirilməsi də Palata üçün prioritet sahələrdəndir.
