Cəfər Rəmzinin “Deyilən söz yadigardır” topluları yeni tərtibatda çapdan çıxıb
  • MƏDƏNİYYƏT

  • 17:13 23 Aprel 2019

Cəfər Rəmzinin “Deyilən söz yadigardır” topluları yeni tərtibatda çapdan çıxıb

XX əsrin görkəmli Azərbaycan tədqiqatçısı və şairi Cəfər Rəmzinin 1981 və 1987-ci illərdə nəşr olunmuş “Deyilən söz yadigardır” topluları yeni tərtibatda çapdan çıxıb.

ONA xəbər  verir ki, kitabı nəşrə AMEA Məhəmməd Füzuli adına Əlyazmalar İnstitutunun əməkdaşı Sona Xəyal hazırlayıb.  

Kitaba XIV-XX əsrlərdə Bakı və Abşeronda yaşayıb-yaratmış 170-dən çox şairin tərcümeyi-halı və əsərlərindən nümunələr daxildir. 

Cəfər Rəmzinin Əlyazmalar İnstitutunda saxlanılan arxivindəki indiyədək nəşr olunmamış şeirləri, o cümlədən, toplularla bağlı C.Rəmziyə ünvanlanmış 4 məktubu topluya daxil edilib. 

Kitabın redaktorları Qorxmaz Səfərov və Nəbibə Səfərova, rəyçiləri filologiya üzrə fəlsəfə doktoru Əzizağa Nəcəfzadə, filologiya üzrə fəlsəfə doktoru Aytac Zeynalova və Qutiyera Cəfərovadır. 

OXŞAR XƏBƏRLƏR