Dünən Böyük Britaniya və Şimali İrlandiya Birləşmiş Krallığının kral ailəsinin üzvlərinin şərəfinə ənənəvi olaraq təşkil edilən “Vindzor Kral Atçılıq Şousu” start götürüb.
Dövlət Sərhəd Xidmətinin Mətbuat Mərkəzindən ONA-ya verilən xəbərə görə, 2014-cü ildən etibarən Azərbaycanın dəvət aldığı bu beynəlxalq atçılıq şousu mədəniyyətin tanıdılması üçün son dərəcə əhəmiyyətli platformaya çevrilib. Bu il “Vindzor Kral Atçılıq Şousu”nda ölkəmizi növbəti dəfə Dövlət Sərhəd Xidmətinin süvarilər dəstəsi və rəqs ansamblı təmsil edib.
2019-cu ildə Kraliça Viktoriyanın xatirəsinə həsr olunmuş bu tədbir üçün nümayəndə heyəti tərəfindən xüsusi olaraq “Azərbaycanın kəlağayısı və Qarabağ atları” adlı şou-kompozisiya hazırlanıb. 1500 ildən çox tarixə malik Azərbaycan kəlağayısının hələ iki əsr öncə - 1851-ci ildə Londonda keçirilmiş böyük sərgidə Kraliça Viktoriyaya hədiyyə edilməsinin vurğulanması maraqla qarşılanıb.
