“Azərbaycanla yeni sazişin əldə edilməsi Avropa İttifaqnın əsas prioritetlərindən biridir”.
ONA-nın xəbərinə görə, bunu Avropa Qonşuluq Siyasəti və Genişlənmə Danışıqları üzrə Avropa İttifaqının (Aİ) komissarı Yohannes Han deyib.
Komissar bildirib ki, bu saziş tərəflər arasında intensivləşən əməkdaşlığın göstəricisi olacaq: “Azərbaycan Avropa İttifaqının əsas tərəfdaşlarından biridir. Bizim üçün önəmlisi Azərbaycanda iqtisadiyyatın diversifikasiyası sahəsində səylərə dəstək verməkdir. Ötən il Azərbaycanda informasiya texnologiya sektoru 9 faiz artıb. Biz bu artımı dəstəkləməyə davam edəcəyik. Ümid edirəm ki, Azərbaycanla Avropa İttifaqı arasında yeni saziş çox yaxın zamanda imzalanacaq”.
