ATƏT missiyasının koordinatoru: "Seçkini 41 ölkədən 358 müşahidəçi müşahidə edir"
  • SİYASƏT

  • 11:59 09 Fevral 2020

ATƏT missiyasının koordinatoru: "Seçkini 41 ölkədən 358 müşahidəçi müşahidə edir"

“Azərbaycanda növbədənkənar parlament seçkisini 41 ölkədən 358 müşahidəçi müşahidə edir. Seçki müşahidəsi ümumi praktikadır və biz bütün ATƏT ölkələrində seçkilərdə müşahidələrimizi aparırıq”.

Bu barədə APA-ya ATƏT-in qısamüddətli missiyasının xüsusi koordinatoru Artur Gerasimov deyib.

Onun sözlərinə görə, müşahidə missiyası bu yaxınlarda Belarus və Özbəkistanda keçirilən seçkilərdə müşahidə aparıb: “Müşahidə missiyamız Azərbaycan hökuməti tərəfindən dəvət olunub. Bu, ATƏT-ə üzv ölkələrin prinsip və öhdəlikləri ilə bağlıdır. Seçki günündən öncə beynəlxalq müşahidə missiyasının üzvləri Mərkəzi Seçki Komissiyası, vətəndaş cəmiyyətinin nümayəndələri, siyasi partiyalar və namizədlər ekspertlərlə görüşüb və məlumatlandırılıb. Bizim seçki ilə bağlı kifayət qədər məlumatımız var. Seçki günü ilə bağlı deyə bilərəm ki, beynəlxıaq müşahidə missiyasının üzvü olan yüzlərlə müşahidəçimiz Bakıda, Gəncədə, Sumqayıtda və digər regionlarda öz müşahidələrini aparırlar. Müşahidələrimizi yekunlaşdırdıqdan sonra biz sabah əlimizdə olan məlumatlara əsasən mətbuat konfransı keçirəcəyik. 

Bu anadək özüm bir neçə məntəqədə olmuşam. Onu deyə bilərəm ki, bizim üçün bütün prosesi rahat izləmək üçün bütün imkanlar yaradılıb, mən özüm heç bir təzyiqlə qarşılaşmamışam. Biz bütün qeydlərimizi götürmüşük”.

 

OXŞAR XƏBƏRLƏR