Böyük Britaniyanın ölkəmizdəki fövqəladə və səlahiyyətli səfiri Ceyms Şarp Şəkiyə səfər edib.
APA xəbər verir ki, bu barədə səfirliyin rəsmi "Facebook" səhifəsində məlumat yer alıb.
Səfir UNESCO-nun Ümumdünya İrs siyahısına daxil olan Şəki Xan Sarayına baş çəkib, daha sonra Şəki Rayon İcra Hakimiyyətinin başçısı Elxan Usubovla görüşüb və qadın sahibkarlar tərəfindən idarə olunan bir sıra yerli kiçik orta müəssisələrlə tanış olub. Onlardan dərzi və gözəllik salonu “Uluçay” İctimai Birliyi tərəfindən BMT-nin İnkişaf Proqramı və Avropa İttifaqının dəstəyi ilə qurulub.
