Dövlət başçısı: “Azərbaycan İslam həmrəyliyinin möhkəmlənməsində çox ciddi addımlar atır və atacaq”
  • SİYASƏT

  • 13:40 17 May 2019

Dövlət başçısı: “Azərbaycan İslam həmrəyliyinin möhkəmlənməsində çox ciddi addımlar atır və atacaq”

“Biz İslam həmrəyliyinin gücləndirilməsinə çox böyük əhəmiyyət veririk və bu istiqamətdə əməli addımlar atılır. Azərbaycanda keçirilmiş çoxsaylı tədbirlər İslam həmrəyliyinin möhkəmlənməsinə xidmət göstərir”.

ONA-nın xəbərinə görə, bunu Prezident İlham Əliyev müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərləri ilə görüşündə bildirib.

Ölkə başçısı bildirib ki, İslam həmrəyliyinin möhkəmlənməsi gündəlikdə duran əsas məsələlərdən biridir: “Azərbaycan öz tərəfindən bu istiqamətdə çox ciddi addımlar atır və atacaq. Bildiyiniz kimi, eyni zamanda, ölkəmizdə mədəniyyətlərarası dialoqla bağlı çoxsaylı tədbirlər keçirilir. Bu yaxınlarda Bakıda keçirilmiş V Mədəniyyətlərarası Dialoq Forumu da bu sıradan olan tədbirlərdəndir. Azərbaycan İslam mədəniyyətini dünyada təbliğ etməklə bağlı çox böyük səylər göstərir. Bir çox ölkələrdə konfranslar, sərgilər, təqdimatlar keçirilir və beləliklə, biz İslamı dünyaya sülh, mərhəmət dini kimi təqdim edirik”.

 

 

 

OXŞAR XƏBƏRLƏR