“Azərbaycan xəritəsi hər bir yerdə bütövlükdə verilməlidir”.
ONA-nın məlumatına görə, bunu mədəniyyət naziri Əbülfəs Qarayev "Eurovision-2019" mahnı müsabiqəsində Azərbaycan təmsilçisinin çıxışı zamanı xəritədə Qarabağ və Naxçıvanın qeyd edilməməsinə münasibət bildirərkən deyib.
O bildirib ki, bu məsələ İctimai Televiziya və Radio Yayımları Şirkəti ilə birlikdə araşdırılacaq: ““Eurovision” müsabiqəsinin bünövrəsində televiziyalar durur. Biz bu məsələni İctimai Televiziyanın rəhbərliyi ilə aydınlaşdıracağıq. Bundan sonra təşkilatçılara müvafiq tapşırıqlar verilməlidir. Bu, yolverilməzdir və biz hər zaman bu kimi məsələlərə nəzarət edirik. Azərbaycan xəritəsi bütövlükdə verilməlidir. Hətta bəzən “google maps”də bu kimi hallara yol verilib və biz onun qarşısını almışıq”.
