Elmar Məmmədyarov Dünya İqtisadi Forumunun tədbirinə dəvət olunub
  • SİYASƏT

  • 11:27 28 Fevral 2019

Elmar Məmmədyarov Dünya İqtisadi Forumunun tədbirinə dəvət olunub

Xarici işlər naziri Elmar Məmmədyarov Dünya İqtisadi Forumunun prezidenti Borge Brende ilə görüşüb. XİN-dən ONA-ya verilən məlumata görə, görüş zamanı Borge Brende  Elmar Məmmədyarovu 2019-cu ilin 6-7 aprel tarixlərində İordaniyada keçiriləcək Dünya İqtisadi Forumunun Yaxın Şərq və Şimali Afrika üzrə tədbirinə dəvət edib. B.Brende tədbir çərçivəsində Körfəz ölkələrinin xarici işlər nazirlərinin iştirak edəcəyi Avrasiya seqmentinin çox önəmli olduğunu diqqətə çatdırıb.

Öz növbəsində, nazir Elmar Məmmədyarov Cenevrəyə səfərinin məqsədləri ilə bölüşüb, eləcə də Azərbaycanın 2019-cu ilin oktyabr ayının 21-26-da Qoşulmama Hərəkatı dövlət və hökumət başçılarının 18-ci sammitinə ev sahibliyi edəcəyi barədə həmsöhbətini məlumatlandırıb.

Nazir Elmar Məmmədyarov  Dünya İqtisadi Forumunun prezidentinə  Ermənistan-Azərbaycan Dağlıq Qarabağ münaqişəsinin həlli istiqamətində aparılan hazırkı danışıqlar prosesi barədə məlumat verib.

Görüş zamanı, həmçinin regional və qlobal gündəlikdə olan mövzular ətrafında fikir mübadiləsi aparıldı.

Aytən Yusifova

Teqlər:

OXŞAR XƏBƏRLƏR