• SİYASƏT

    19:30 30 iyun 2020

Həmsədrlər Azərbaycan və Ermənistan XİN başçılarının görüşü ilə bağlı bəyanat yayıb

ATƏT-in Minsk Qrupunun həmsədrləri İqor Popov (Rusiya), Stefan Viskonti (Fransa) və Endryu Şoffer (ABŞ) bu gün Azərbaycan Xarici İşlər naziri Elmar Məmmədyarov və Ermənistan Xarici İşlər naziri Zöhrab Mnatsakanyan arasında keçirilən videokonfrans formatında görüşlə bağlı bəyanat yayıb.

APA-nın xəbərinə görə, bu barədə ATƏT-in saytında məlumat verilib.

Bildirilib ki, həmsədrlər 29-30 iyun tarixlərində bölgədəki ictimai səhiyyə vəziyyətini, Dağlıq Qarabağ münaqişəsindəki mövcud dinamikanı və sülh prosesindəki növbəti addımları müzakirə etmək üçün E. Məmmədyarov və Z. Mnatsakanyala videokonfrans vasitəsilə ayrı-ayrılıqda və birgə şəkildə bir araya gəliblər.

Bu müzakirələrdə ATƏT-in fəaliyyətdə olan sədrinin şəxsi nümayəndəsi Anjey Kasprşik də iştirak edib.

Həmsədrlər sülhə şərait yaradan və əsaslı danışıqlar üçün əlverişli bir atmosferin təşviq olunmasının və saxlanmasının vacibliyini vurğulayıblar.

Onlar regiondakı nisbi sabitliyi müsbət qiymətləndiriblər. Həmsədrlər tərəflərin gərginliyin artmaması üçün mövcud birbaşa rabitə əlaqələrindən istifadə etməyə davam etmələrindən məmnunluqlarını ifadə ediblər.

ONA

Teqlər:

SON XƏBƏRLƏR