MSK İlham Əliyevin prezidentliyə namizədliyini qeydə alıb
  • SİYASƏT

  • 16:23 30 Dekabr 2023

MSK İlham Əliyevin prezidentliyə namizədliyini qeydə alıb

Mərkəzi Seçki Komissiyası İlham Əliyevin prezidentliyə namizədliyini qeydə alıb.

APA-nın xəbərinə görə, bu barədə qərar MSK-nın bu gün keçirilən iclasında qəbul edilib.

Qeyd edək ki, Yeni Azərbaycan Partiyası İdarə Heyəti dekabrın 15-də İlham Əliyevin prezidentliyə namizədliyini irəli sürüb. Dekabrın 16-da YAP İlham Əliyevin prezidentliyə namizədliyinin irəli sürülməsi barədə sənədləri MSK-ya təqdim edib. MSK dekabrın 19-da İlham Əliyevin prezidentliyə namizədliyinin irəli sürülməsini təsdiqləyib.

YAP dekabrın 26-da İlham Əliyevin müdafiəsi üçün topladığı 50 min seçici imzasının olduğu imza vərəqələrini Seçki Məcəlləsinin 58.1-ci maddəsinə əsasən tələb olunan digər sənədlərlə birlikdə MSK-ya təqdim edib və dünən sənədlərin araşdırılması prosesi başa çatıb.

Məsələ səsverməyə çıxarılıb və MSK İlham Əliyevin prezidentliyə namizədliyini qeydə alıb.

 

ONA

Teqlər:

OXŞAR XƏBƏRLƏR